Komeleya Rojnamegeran a Dîcle-Firatî (DFG) raporê xo yê temmuze yê serê binpaykerdişê heqanê merdiman eşkera kerd.
Komeleya Rojnamegeran a Dîcle-Firatî (DFG) raporê xo yê temmuze yê serê binpaykerdişê heqanê merdiman eşkera kerd. Rapor de ame îfadekerdene ke “Vengdayîşê Haştîye û Komelê Demokratîkî” yê Rayberê Şarê Kurdî Abdullah Ocalanî reyde hêvîya demokratîkbîyayîşî ya Tirkîya gandar bîya.
Rapor de ame waştene ke seba ke proses ser bikewo ganî astengîya verê pêvînayîşanê bi Rayberê Şarê Kurdî Abdullah Ocalanî wedarîyo û destûr bidîyo ke rojnamegerî ey bivînê.
Rapor de dîya zanayene ke temmuze de 8 rojnamegerî ameyî destbendkerdene, 5 rojnamegerî tepişîyayî, 7 rojnamegeran rê cezaya zîndanî û pereyî dîyaya, 34 rojnamegerî hema zîndan de yê, 45 keyepelê înternetî ameyî qefilnayene, 63 tedeyîyê înternetî ameyî astengkerdene.
