Hunermend Dîyala Sulhî El Wadî keyeyê xo yê Şamî de û rojnameger Kindî El Edayî Dêrazor de kişte ameyê vînayene.
Abîş hunermenda Sûrîyeyîj Dîyala Sulhî El Wadî keyeyê xo yê taxa Malikî ya Şam de kişte ameye vînayene. Goreyê çimeyanê herême sucdaran heta verê berê keyeyê Dîyala dayo aye dima û eşto keyeyê aye ser o û aye kişta.
Hukmato demkî heta nika derheqê hedîse de tu eşkerayî nêdaya.
Dîyala El Wadî kênaya muzîkjeno Sûrîyeyij El Wadî ya ke Şam de awankerdoxê Peymangeha Berze yê Muzîkî yo. Rixmê nasnameyê Sûrîyeyîje, nasnameyê Îraq û brîtanyayije zî Dîyala reyde est ê. Dîyala 1986î de Peymangeha Berze ya Huneranê Tîyatroyî ra mezûn bîya.
Rojnameger Kindî El Eda ke nêzdîyê di aşmî yo Elmanya ra agêraya şaristanê xo, vizêr keyeyê xo yê taxa Cora ya şaristanê Dêrazorî de dardekerda ameye vînayene. Derheqê babete de agahîyê vêşî nêameyê girewtene.
