Hannover de semedê Mehmet Çakasî yo ke Almanya wazenê Tirkîya rê tebersînor bikero çalakîya protestoyî ameye kerdene. Çalakîya de azadîya Mehmet Çakasî ameye waştene.
Meqamanê Almanya da zanayene ke ê do 28ê tebaxe de Mehmet Çakasî Tirkîya rê tebersînor bikerî. No komelê kurdan de bi sebebê nêrazîbîyayîş û hêrsî.
Seba ke tebersînorkerdişê Çakasî bêro vindarnayene Meydanê Kropckeyî yê Hannover de eşkerayîya çapemenîye ameye dayene.
Qiseykerdişanê bi nameyê FED-DEM û MLPD’yî de planê tebersînorkerdişê Çakasî bi şîdetî ame şermezarkerdene û ame waştene ke no qerar cade peyser bêro girewtene. Vilawekê almankî ameyî wendene û tewrbîyayoxan rê ameyî vilakerdene.
Çalakîye de dîya zanayene ke 8ê tebaxe roja îne do eynî ca de mabênê saetanê 14.00–17.00 de stand bêro akerdene û semedê paştdayîşê standî ame vengdayene.
Çalakîye bi slogananê Mehmet Çakasî rê azadîye qedîyaye.
