Hukmatê Şamî eşkera kerd ke pêvînayîşo ke yeno plankerdene ke bi Hêzanê Sûrîyeya Demokratîkî (QSD) yo ke kurdî serkêşîya ci kenê, Parîs de bêro kerdene, ê do tewrê ci mebê.
Goreyê xebera ajansa xeberan a SANA ya dewlete ke çimeyanê hukmatî ra girewte, hukmatê Şamî vat ê do tewrê pêvînayîşê Parîsî mebê. Sey sebebê nê zî ame îdakerdene ke QSD’yî pêkerdişêko verên ê bi Şamî binpay kerdo.
Çimeyê hukmatî vat ê qet hetêkî de o ke hedef keno ke ‘demê herême yê verênî ganî bikero’ tewrê muzakareyan nêbenê. Al-Monitoro ke erebkî weşan keno vat; hukmatê Şamî netîceya zextanê dewleta tirke de pêvînayîşê Parîsî ra ancîya.
