Taxa Nûrî ke keyeyê endamê HPG’yî Tunçî tede ciwîyeno, seba ke tezîyeya Tunçî tede nêra ronayene, polîsan derûdorê heme camîyan dorpêç kerd û destûr nêda ke tu kes şêro camîyan.
Qezaya Cizîr a Şirnexî de Endamê HPG’yî Ferhat Tunç (Xebat Goyî) ke 2017î de qezaya Berwarî ya Sêrtî de cuya xo vîndî kerdbî û rixmê heme astengîyan bi girseyî ameybî definkerdene. Ewro serê sibayî seba astengkerdişê ronayîşê tezîyeya Tunçî taxa Nûrî de derûdorê heme camîyan dorpêç kerd.
Welatijê ke wazenê şêrê camîyan hetê polîsan ra yenê astegkerdene. Demo ke ma zî ey ajansê welat waşt şêrê Camîyê Seyîd Suleymanî polîsan hişyarî daye û vat, “seba şuxulnayîşê girewte yo” û destûr nêda ke tu kes bikewo camîyî.
Hetê bînî ra birayê Tunçî, Servet Tunç ke vizêr goristan de amebi destbendkerdene, dima ke îfade da mehkema bi kontrolê edlî veradîya.
