Hemşaredara Amedî Serra Bucak pare kerd ke şewato ke Hênî de dest pêkerdo û vilayê dewanê Licê bîyo, bi xebata ekîban bineyk gêrîyayo binê kontrolî.
Vizêr qezaya Hênî ya Amedî de şewat dest pêkerdibi û şewatî vilayê Gelîya Fîsî ya Licê kerdibi. Hemşaredaranê Amedî Serra Bucak û Dogan Hatunî xebatê hewnakerdişê şewatî de war de koordîne kerdî. Şewe Serra Bucak rojnamegeran rê eşkerayîyêke daye.
Serra vat: ‘’Şewat pîl o. Ekîbanê hewnakerdişê şewatî mudaxeleyê şewatî kerd. Hênî de şewat gêrîya binê kontrolî, Licê de zî bineyk gêrîya binê kontrolî. La şewat dewam keno. Şewat cuya heywanan û merdiman tehdît keno. Şîdetê vayî karê îtfaîya û ekîba mudaxeleyê ecîlî kerd çetin.’’
Serra da zanayene ke xebatî dewam kenê.
