Zîndananê Tirkîya de îşkence û tedayê vera tepişteyan her ke şino zêdîyenê. Hetêkî ra înfazê tepişteyan yeno vêşnayene hetê bînî ra tepişteyî bi kişîyayîşî yenê tehdîtkerdene.
Zîndananê Tirkîya de îşkence û tedayê vera tepişteyan her ke şino zêdîyenê. Hetêkî ra înfazê tepişteyan yeno vêşnayene hetê bînî ra tepişteyî bi kişîyayîşî yenê tehdîtkerdene. Eşkera bi ke Zîndanê Boluyî de tehlîyeyê tepişteyan ameyê taloqkerdene û heqê tepişteyan yenê binpaykerdene. Zîndanê Samsunî de zî tepişte Giyasettîn Aydin hucreyê yewkesî de tepişîyeno. Aydin verê cû zî raştê îşkenceyê gardîyanan amebi.
Zîndanê Kavakî de tepişte Emre Can Demîr raştê hêrişê gardîyanan ame. Îdareyê zîndanî hêrişî ra dima pêro aktîvîteyî qedexe kerdî. Keyeyanê tepişteyan pare kerd ke tepişteyê sîyasîyî hetê tepişteyanê nîjadperestan de ameyê cakerdene, nê bi kişîyayî yenê tehdîtkerdene û tepişteyê nîjadperestî tim vanê ‘’Wexto ke proses biqedo ma do şima bikişê.’’
