Sîyasetmedarê îtalyanî Paolo Ferreroyî dîyar kerd ke Rayberê Şarê Kurdî Abdullah Ocalanî ruhê prosesî hol fam kerdo û vat: “Ocalan nika wazeno ke destkewteyanê têkoşînê çekdarî derbazê safhayêka bîne bikero. Azadîya ey do serkewtişê prosesî bîyara.”
Wezîrê Îtalya yê verênî Paolo Ferreroyî derheqê Prosesê Haştîye û Komelê Demokratîkî de ajansê ANF’yî rê qisey kerd.
Paolo Ferreroyî ard ziwan ke Rayberê Şarê Kurdî Abdullah Ocalan û PKK terefgîrê çareserîya sîyasî yê û vat: “Dewleta tirke û îqtîdaranê ci tim meseleya kurdan sey meseleyêka asayîşî ercnaye. Birêz Ocalan rixmo ke bi serran o zîndan de yo, proses şirove kerdo û bi aqîlaneyî sîyaset pawit. Ocalan nika wazeno ke destkewteyanê têkoşînê çekdarî derbazê safhayêka bîne bikero. Azadîya ey do serkewtişê prosesî bîyara.”
Ferreroyî dîyar kerd ke Têgêrayîşê Azadîye yê Kurdan seba serkewtişê prosesî gamê girîngî eştê û vat: “Ganî pêro hêzê mîyanneteweyîyî bi taybetî Ewropa tedaya Tirkîya bikerê ke gamanê vera PKK’yî ra fek vera bida. Seba vurnayîşê tewirê hukmatê Erdoganî ganî Ewropa de û her warî de hêzê mîyanneteweyîyî aktîf bibê.
Eke dewleta tirke çareserîye de samîmî ya ganî hêverî Abdullah Ocalanî vera bida. Ocalan çend azad biba hendê proses do aver şoro. Azadîya ey do serkewtişê prosesî bîyara.”
