Wezîrê Karanê Zereyî yê Hukmatê Demkîyî yê Sûrîye Esad El-Şeybanîyî roja sêşemeyî heyetêkê Îsraîlî ya serekîya Wezîrê Karê Stratejîki Ron Dermerî de pêvînayîş kerd.
Goreyê ajansê xeberan ê dewleta Sûrîye SANA pêvînayîş seba ke “îstîqrarê herême bêro xurtkerdene û mabênê di welatan de alozîye biqeda” ameyo kerdene.
Pêvînayîş de babetanê tewr girîngan ra yew zî rewşa Suwêda bîya ke tede tewr tay 1400 kesî ameyê qetilkerdene. Îsraîlî dîyar kerd ke ê eşkenê seba pawitişê dûrzîyan hêrişê eşîranê sunnîyan bikerê la hetê Şamî no sey “karanê zereyî rê mudaxele” ercna.
Kombîyayîş de ame parekerdene ke beno ke wird terefî abigêrê Peymana 1974î ke mabênê Îsraîlî û Sûrîye de amebî îmzakerdene.
Yeno zanitene Îsraîlî menga kanûne ra nahet vera Sûrîye xeylê hêrişî û operasyonî kerdî.
