Çekuya Yeldayî zî kesê şehreza behs kerdî ke çekuya Suryanî ke yena maneya mayaxorabîyayişî. Şewa Yelda şewa zerrî ya, no ser ganîya ke na şewe her ca de sey şewa pîroz bêra firazkerdiş
Roşan û Şewa Yeldayî bi qasî roşan û roja Newroze gird, kevnar û Kurdewar a. Roşan û Şewa Yeldayî bawerîya Kurdî-Mîtrayî de yena maneya mayaxorabîyayişî, warê zanistî de beno ser neweyê xoraagêrayişî, serra dewam kena. Her wina bena roja yewin zimistanî, bena derg şewa serreye û roja peynî bena kilm roja serra tema 14 saetan bena şew û 10 saetan zî manena roja ci. Na şewe û peynî êdî şewe ber bi kilmî û roj ber bi dergbîyayişî şona û resena roja Newroze.
Roja Newroze de şew û roje hemdem benê 12 saet û bi 12 saete. Na şewe de şar şonê cayê pîrozan seba nimajî, Zerdestîye ci ra vanê nimaj û îbadeta Nîyedî. Serre çar demserre ya la verê mîyanê serran û komelê Kurdan de serre di werz û demserrê sereke bîyê ke na zî werz û demserrê serd û germî bîyê. Demserra wisare û demserra zimistanî ya, demserra wisarî 210 roj bîyo, demserra zimistanî zî 150 roj bîya.
Çekuya Yeldayî zî kesê şehreza behs kerdî ke çekuya Suryanî ke yena maneya mayaxorabîyayişî. Dînê Mîtrayî bi dergîya çendîn serrayan dînê fermî yê heme ewropayijan bîyo, heta ameyişê Îsa. Peynîya ameyişê dînê Îsa, dînê Mîtrayî ameyo qedexekerdiş la kulturê ci her tim zîhnîyetê bawerîya komelî de mendo.
Hem babeta Mîtrayî û hem zî Şewa Yeldayî pir xorîn û hera ya, şewa Yelda şewa zerrî ya, no ser ganîya ke na şewe her ca de sey şewa pîroz bêro firazkerdiş.
