Qeraxê Qezaya Tetwanî yê Bêdlîsî ke hetê Gola Wanî ra ewnîyeno riyê şuşeyanê eraq, şuşeyanê pet ê awe ra bîyo gemarin û boyêka pîse derûdor de vila bena.
Qezaya Tetwanî bi weşbîyayîşê xo bale ancena xo ser. La qeraxê Gola Wanî yê hetê Tetwanî riyê gemarî ra boyêka pîse derûdor de vila bena. Riyê mendeyanê gemarin ê sey şuşeyê eraqî, şuşeyê pet ê awe ke qeraxe de kom bîyê, awe lêmin bîya. Reyna riyê awa logera qeza ke şona qeraxê gole, awa gole lêmin bena û boya ci ya lêmine derûdor de vila bena.
