Nameyê kesanê ke do kombîyayîşê meclîsî yê nê hewteyî de qisey bikerê, dîyar bîyê. Komîsyon do kombîyayîşo 6. de Serekê Yewîya Baroyanê Tirkîya û serekanê baroyan bigoşdaro. Kombîyayîşo 7. de zî do Serekanê Meclîsî yê Verênan bigoşdaro.
Komîsyonê Demokrasî, Wa û Birayî û Piştîdayîşê Mîllî ke çarçewaya prosesê Aştî û Komelê Demokratîkî de amebi awankerdene do no hewte kombîyayîşo 6 û 7. bikero. Kombîyayîşê nê hewteyî de roja çarşeme û pancşeme bêrê kerdene. Komîsyon do kombîyayîşo 6. de Serekê Yewîya Baroyanê Tirkîya û serekanê baroyan bigoşdaro. Kombîyayîşo 7. de zî do Serekê Meclîsî yê Verênî bêrê goşdarîkerdene.
Nameyê kesanê ke do komîsyon de bêrê goşdarîkerdene dîyar bîyê. Kesê ke do bêrê goşdarîkerdene wina yê:
Kombîyayîşo 6. ke 27ê Tebaxa 2025î de saete 14:00 de bêro kerdene; Serekê Yewîya Baroyanê Tirkîya û serekê baroyanê hûmar 2 ê Anqara, Çewlig, Amed, Hatay, hûmar 2 ê Stenbol, Meletî, Mardîn, Mersîn, Wan û Sêwasî bêrê goşdarîkerdene.
Kombîyayîşo 7. ke 28ê Tebaxe saete 11:00 de bêro kerdene; do fikir, pêşnîyaz û erjnayîşê serekanê Meclîsê Gird ê Neteweyî yê Tirkîya yê verênan bêrê girewtene. Roniştişo yewin ê kombîyayîşî de Hîkmet Çetîn, Omer Îzgî, Bulent Arinç, Koksal Toptan, Mehmet Alî Şahîn bêrê goşdarîkerdene.
Roniştişo diyîn de zî: Cemil Çiçek, İsmet Yilmaz, Îsmail Kahraman, Binali Yıldırım û Mustafa Şentop do bêrê goşdarîkerdene.
