Hemşaredaranê Peyasî Bêrîvan Gulşen Sîncar û Cengîz Dundarî, semedê 1ê Êlule Roja Aştîye ya Dinya, Dayîkê Aştîye zîyaret kerdê.
Semedê 1ê Êlule Roja Aştîye ya Dinya, Hemşaredaranê Peyasî Bêrîvan Gulşen Sîncar û Cengîz Dundarî, endamanê meclîsê şaredarîye û hetkaranê hemşaredaran reyde, şîyî zîyaretê Dayîkanê Aştîye.
Hemşaredaran Sîncar û Dundarî ard ziwan ke viraştişê aştîya komelkî, awankerdişê demokrasî û edaletî waştişê komelî yê tewr bingeyên ê û dîyar kerd ke kede, têkoşîn û waştişê Meclîsê Dayîkê Aştîye nê babete de zaf biqîmet ê.
