Hunermendo namdar ê muzîkê kurdkî Hozan Şemdînî, 20 serran ra zêdeyêr o programê “Şevbêrkên Dengbêjan (Şewê Dengbêjan)” dano dewamkerdene û arşîvê ci keno dîjîtal.
Bi seyan dengbêjan ke kilam, vîrardiş û sohbetî kerdî bi nameyê “Şevbêrkên Şemdîn” YouTubeî ser o temaşekerdoxan reyde do bêro têhet.
Programo ke vera verêne 1ê tebaxe 1998î de Med TV’î de dest bi weşanî kerd, heta 2018î ekrananê Med, Medya, Roj û Stêrk TV’î de bêmabên dewam kerd.
Nê demî de Karapetê Xaço ra heta Egîdê Cîmo, Fatma Îsa ra heta Xalê Ehmedî her cayê Kurdîstanî ra û dîaspora ra bi seyan dengbêjî ameyî vernîya ekranî.
Hozan Şemdîn amancê xebate sey “gandarverdişê kulturê dengbêjîye” îfade kerd û va bi wayîrvejîyayîşê şarî no kultur do seba neslanê ameyoxan bêro resnayene.
Seba arşîvê dîjîtalî kilamê ke tarîxê kurdan ê fekkî xo mîyan de hewênenê, hem seba eleqedaran hem zî do seba ciwanan bibê çimeyêko mende.
