Verfeka TJA’yî ya verêne Ayşe Gokkan a ke nika Hepisxaneyê Cinîyan ê Sîncanî de girewte ya, dayîkê ke mîyanê aştî de xebitîyayê û cuya xo vîndî kerda, ardê xo vîrî û yê ke hema zî têkoşînê aştî kenê, înan rê zî bi metkubêk silamê xo erşawitî.
Verfeka Têgêrayîşê Cinîyanê Azadan (TJA) a verêne Ayşe Gokkan a ke nika Hepisxaneyê Cinîyan ê Sîncanî yê Anqara de girewte ya bi mektubêk dayîkê ke têkoşînê aştî de cuya xo vîndî kerda ardê xo vîrî û yê ke hema zî têkoşînê aştî danê zî silam kerdî. Ayşe Gokkan mektubê xo de bale ancena têkoşînê dayîkan ê ke vera sîstemî dayo domnayene ser o û wina vat: “Ma na roje de şima pêrûnan yew bi yew anê xo vîr, beşna xo şima ver de tewnenê. Tu hêzo ke bieşko şima nê rayîrî ra biaqitno, çin o.”
Mektubo ke Ayşe Gokkan Hepisxaneyê Cinîyan ê Sîncanî yê Anqara ra erşawito wina yo:
“Şima binê hêrişanê zehmetan de gan da aştî. Hîkayeyê şima yê sipî binê posteyê şerwaştoxan de pelçiqînê û mehkemayanê înan de heyê muhakemekerdene. La wa reyna zî heme kede û cuya xo dîyarê xoverdayîşê aştî kerd. Tu hêzo ke bieşkê şima nê rayîrî ra agêrnê, çin o. Şima vengdayîşê xo yê aştî reyde fermanê bêvengîye mirna. Binê hêrişanê hovane û neyaranê aştî de şima çiray zereyê xo cuye rê serd nêkerd. Rêbazê zanistîya şima: Hêzdarbîyayîşê aştî, ewleyîya heme gandaran o.
‘Xoverdayîşê şima gan dano’
Şima cigêrayîşê aştî de hîna baş musayê ke her welatêk wayîrê berhemêko bêemsal o. Yê Kurdîstanî zî xoverdayîşê hewtber o, hewtletan ano hewt cayan de vila keno. No yo rayra şono. Dayîkê bi rûmetî şima cuya ma ya estbîyayîşî yê, miradê şima do nêmcet nêmano, xoverdayîşê şima gan dano. Ma na roje de şima yew bi yew anê xo vîr, beşna xo şima ver de tewnenê. Ma do çiray şima xo vîr nêkerê.
Ayşe – Hepisxaneyê Sîncanî.”
