Buroyê Huqûqî yê Seserre dîyar kerd Abdullah Ocalan îfade kerdo ke qanûnê “demê mabênî” lazim ê û wina va: “Prosesê aştî û komelê demokratîkî resayo merheleya ke çareserîyê huqûqî lazim ê.”
Buroyê Huqûqî yê Seserre 15ê êlûle de Hepisxaneyê Tîpê F yê Ewlekarîya Berze yê Îmralîyî de muwekîlê xo Rayberê Şarê Kurdî Abdullah Ocalan, Omer Hayrî Konar, Hamîlî Yildirim, Ergîn Atabey û Mehmud Yamalak reyde pêvînayîşê avûkatan kerd û derheqê pêvînayîşî de beyanatêko nuştekî da.
Beyanat wina yo:
“15ê êlûle 2025î de ma Hepisxaneyê Îmrali de Birêz Ocalan û muwekîlanê xo yê bînan reyde 6 serrî ra pey pêvînayîşê avûkatan kerd. Rewşa huqûqî ya înan, muracatê ke mekanîzmayanê dadgeyî yê neteweyî û mîyanneteweyan de dewam kenê, derheqê înan de hetê ma ra malumatê şênberî ameyî dayene.”
Ma wazenê îfade bikerê ke ma Birêz Ocalanî zaf pêt û qerardar dî. 2019î ra pey zîyaretê Îmrali yê avûkatan muhîm û zaf bi mana yo. Ey zî na çarçewa de ma daye pêvînayîşê ma û erjnayîşî kerdê. Birêz Ocalanî îfade kerd ke viraştişê huqûqî yê demokratîkî mecburîyetîya dewleta normî ya û amancanê bingeyîn ê prosesî ra yew o.
Ameyîşê merheleya huqûqî
Prosesê aştî û komelê demokratîkî resayo merheleya ke çareserîyê huqûqî lazim ê. Birêz Ocalanî vat ke, prosesê seserrî de kurdî sey olgu teberê huqûqî de yenê tepiştene, çîyê ke wazenê ravêrê zî na bêhuqûqî ya. O bi xo zî çarçewaya neteweyê demokratîkî de ciwîyayîşê pîya de israr keno û wayîrê projeyê cumhûrîyeto demokratîke yo.
Birêz Ocalanî dîyar kerd ke na çarçewa de meseleyê kurdî hetê sîyasî, komelkî, ekonomîk, kulturî, xeylê hetê xo est ê û na merhele de qanûnê demê mabênî lazim ê û bale ant çareserîyanê huqûqî ser o.
Heqê Hêvî
Rolê Birêz Ocalanî û muhatabîyetê ey layiqê nêzdîbîyayîşêko mojnayîşê berpirsîyarîya eslî ya herkesê ke bawerîya xo prosesê aştî û komelê demokratîkî anê, est a. Heqê hêvî ke Komîteya Wezîran a Konseya Ewropa de bîyo rojev, problemêko huqûqî yê Tirkîya yo. Na babete de eştişê gamanê pozîtîfan, awankerdişê huqûqê demokratîkî de bena gama yewine.
Birêz Ocalan, bi taybetî girewteyanê sîyasî ke hepisxane de yenê girewtene, herkesê ke persê ey kenê, kesanê ke prosesê aştî û komelê demokratîkî ra bawer kenê, kede danê, silamê xo yê germî erşawitî.”
