Muzîsyen Bêrîvan Arala ke Fransa de ciwîyena û nika seba antişê klîbî ameya Dêrsim, derheqê ziwan û îtîqatê kurdan de qisey kerd û wina vat: “Ê ke tever ra yene ma ra nîyê, raştîya ma nêzanenê, zon û îtîqatê ma nêzanenê; berê, welatê xo teyna meverdê.”
Muzîsyen Berîvan Aral, Fransa Strasbourg de nîsene ro. Arale Kirmanckî kilaman vana. 1989î de ‘tûfanq destê ro’ vana û dewlete aye teberê sînorî kena. 2004î de peyser ameya. Seba klîb antişî ameya Dêrsim û ‘dizdo dizdo jûreker o’ ser klîp ant. Zereyê nê klîbî de, ê ke serde re, tîre ne, wene sîme ne, jûrî kenê, sar xapênene est a.
Arale, ajansê ma rê, welat, ziwan û îtîqatî ser o, zereyê xo de çi est o, vatî.
‘Welatê xo ra dûrî mekûyê’
Arale wina dest bi vatişanê xo kena: “Welatê xo de dûrî mevînderê, sima kî welat ra şîyê, zafû tever de yene, cayê sima viri no, ê ke tever ra yenê ma ra nîyê, raştîya ma nêzanenê, zon û îtîqat nêzanenê; bêrê, welatê xo, teyna meverdê. Îta de jar û dîya rê ma est ê, mezelê ma est ê, dar û ber est ê.
‘Sarê ma jewbînî de tirkî qisey kenê’
Sarê ma jewbînî de wayîrê zonî nêvejînê, ez û kirmanckî mawe xêr kê va, înû tirkî qesey kenê. Her ca de jewbînî de tirkî qisey kenê. Hînî nebeno.”
Musnayîşê kilamanê kirmanckî
Berîvan Aral dîyar kerd ke aye teberê welatî de bi lehçeya kirmanckî kilaman musnena domanan û wendekarê aye zafane japon û fransiz ê û îfade kerd ke uca de çi înan dest3i ra bêro kenê.
‘Welatê ser o paştî bidê jewbînî’
Berîvan Aral qiseykerdişê xo wina qedîna: “Sarê ma, destê xo berzo bînê kemerû, paştî bîderê jewbînî, zon û îtîqat ser o, welat ser o kar bîkerê. Ez û amane Dûzgin ser o, îtîqatê mi zaf o, çend kê bes kerd, ganî welat rê wayîr vejîyê.”
