Dewa Hodane ya Qileban de mabênê dewijanê wayîrê erd û kesanê wayîrê ruxsetê kananê komirî de pirodayîş vejîya û kesêk birîndar bi. Pirodayîşî ra ver kanê komirî de kepçeyêk ame veşnayene.
Dewa Hodanî ya qezaya Qilebanî ya Şirnexî de abîş hetê tay kesan ra kepçeyo ke kananê komirî de xebitîyeno, ame veşnayene û 3 makîneyanê karî zî zerar dî. Ame zanayene ke na hedîse ser o serê sibayî mabênê dewijanê Hodanî ke wayîrê erd ê û wayîrê ruxsetê kananê komirî yê, pirodayîş vejîya û kesê ke birîndar bîyê berdê Nêweşxaneyê Qilebanî.
Goreyê agahîyan kesê ke mabênê înan de kaos vejîyayo, riyê parekerdişê pereyanê ke talankerdişê xoza ra yenê, pênêkerdo û pirodayîş vejîyayo.
