Heyetê Cinîyan ê Rojava ke Swîsre de pêvînayîşan keno, cinîyanê Suryanîyan reyde kom bi.
Heyetê Cinîyan ê Rojava ke Hemsereka Meclîsê Cinîyanê Vakur û Rojhelatê Sûrîye Emîne Omer, Verfeka Meclîsê Cinîyan ê Sûrîye Muna El Yûsif, Verfeka Cimeatê Cinîyan ê Zenûbîyayî Şehrezad El Casim, endama Koordînasyonê Kongra Starî Jiyan Hisên û Îdarekara Yewîya Cinîyanê Suryanan Jorjêt Bersûm ra yeno pê, şaristanê Unterterzenî yê Swîsreyî de cinîyanê Suryanan reyde Mala Jiyanî ya Cinîyan de pêvînayîş kerd.
Cinîyê Suryanî ke heyetê cinîyan ê Rojava pêşwazî kerd, derheqê Mala Jiyanî yê Cinîyan de agahî dayê. Bi nameyê heyetî Hemsereka Meclîsê Cinîyan ê Vakur û Rojhelatê Sûrîye Emîne Omer qisey kerd û amancê serdayîşê Ewropa û pêvînayîşê xo ser o agahî dayê.
Îdarekarê Yewîya Cinîyanê Suryanîyan zî dîyar kerd ke ê parçeyêk Sûrîye yê û Ewropa de tim karê dîplomasî kenê, şorişê cinîyan ê Rojava semedê her kesî şansêko muhîm o û modelê Rojava wazenê temamê Sûrîye de bêro caardiş.
