Bîrsel Pekîna ke teyna bi sereyê xo dewarî kena weye venga cinîyan dana û vana: “Metersê, her çî destê ma cinîyan ra yeno, ma eke biwazim beşe kenîme bigurîme, mi beşe kerd, şima kî eşkenê beşe bikê.”
Bîrsel Pekînê, Tepecîk o ke girêdayeyê Erzinganî yo, uca de weşîya xo ramnena. Lewê aye de kes cin o teyna bi serêyê xo 6 serrî yo ke naxira dewarî kena weye. 10 dawarê xo est ê, hem qaytê înan kena, hem karê keyeyê xo kena hem zî çend hêgayê xo est ê, înan ramena. Derheqê kar û xebeta xo de weşîya xo de ma rê wina vana: “Ez teyna ra ne, no karê mi karê de giran o. No kar cenikan rê giran yeno. Des sare naxirê min o, qaytê înan kena, hîrê hêgayê min estê, ez înan ramena. Cew, genim, fasulan, pancarî, qirqili ramena. Simerê hêgayan ana dana dawarî, alifê dawarî vecena. Teber ra yêm gena, her çi bîyo berz. Yêm bîyo heşt sêy panote ma bese nê keme me bîjerî me. Lewê to de eke kes çînê bi nê beno.”
‘Gurê xo pê destan kena’
Makîna û hacetê Bîrsel Pekîne çin ê, aye ra kar û xebatê xo zafêrî pê destanê xo, pê qewetê xo kena. “Makîna ma çîn a, kar û qûre xo destûn ra kon, sîmerî kî destûn ra kon. Ditene, çînitene, ardene, berdene pêro pê destan bena. Dest û payî ma de nêmanenê.”
‘Nêberbena, nêjîbena karê xo kena, şima kî bikê’
Bîrsel Pekîne vana cinî ganî metersê, qaytê destê carmêdan û dewlete mekerê. Bawerîya xo bi keda xo bîyarê. “Dewlete ekê wayîr nevejîye se beno, axîr nê karî keme. Teyna naxir nîyo, zere çeyî, hegay, qokî, mangeyî, kar zafo zaf. Letê male ma şûane beno, lete çedero.”
Şarê ma vano ‘ceynî karê giranî beşe nêkenê’
Bîrsel Pekîne karê xo bi keyf bi zereyo rehet kena û venga cinîyan dana û vana: “Şarê ma vano ‘Ceynîkî beşe nêkenê karê qiranî bikerê.’ Dest û payanê mi ra yeno. Çikê ma kemîyo. Na dewa xo ra, cenîkanê dewa xo ra vana, “Çîyê ma kemîyo? Şima kî bi gurîye, kesan ra mevazê, poştî bidêrê jubinî. Cenîkû eke biwazê karanê rindekan kenê.”
