Taxa Barbarosî ya Erzînganî de tira yew cinî di kesî ameyî qetilkerdene.
Taxa Barbarosî ya Erzînganî de, camêrdêko 66 serrî yo bi nameyê B.K. bi çek cinîyaya ke yewbînan ra aqitîyayî S.K. (40) û U.B. (32) qetil kerdî. Agahdarkerdişê merdimanê derûdorî ser o, ekîbê polîs û weşîye erşawîyayî cayê hedîse. Kontrolanê ekîbanê weşîye de dîyar bi ke S.K. û U.B. cayê hedîse de cuya xo ra bîyê.
Kerdox B.K. hedîse ra pey şi merkezê polîsan û teslîm bi.
Cenazeyê nê di kesan seba tehqîqatê berdê morgê Nêweşxaneyê Perwerde û Cigêrayîşî yê Mengucek Gazî yê Unîversîteya Bînalî Yildirimî yê Erzînganî.
