Aşma êlule de Herêma Kurdîstanî de 4 cinîyî ameyî qetilkerdene û yew cinîye bi hewayêko bişikî cuya xo vindî kerde.
Rojnews aşma êlule de Herêma Kurdîstanî de derheqê qetilkerdiş û merdişanê cinîyan de melumanê ke kom kerdbî, vila kerdî.
Goreyê nê melumatan; 5ê êlule de qezaya Derbendîxanê Silêmanî de cinîyêka bi nameyê Çawane Hesen, hetê mêrdeyê xo ra ameye qetilkerdene.
6ê êlule de Helebçe de, cinîyêka 54 serre C.F.S. û kenaya aye ya 18 serre E.E.E., keyeyanê xo de bi guleyî ameyî qetilkerdene.
8ê êlule de Kifrî de cinîyêka 21 serre, pêkewtişê bi kardî de bi kardî ameye qetilkerdene.
25ê êlule de qezaya Ranya yê girêdayeyê îdareyê Raperîn de, cinîyêka bi nameyê Ewîne Salih, roja serrgêra zewacê xo de bi hewayêko bişik cuya xo vindî kerde.
8 aşmanê peyênan de Herêma Kurdîstanî de 21 cinîyî ameyî qetilkerdene û 17 cinîyî bi şeklêko bişik cuya xo vind kerde. Hetê bînî ra ame dîyarkerdene ke 4 cinîyê çalakger û mamosteyî hetê qewetanê asayîşî ra rastê şîdetî ameyî.
Serra 2024î de Herêma Kurdîstanî de 39 cinîyî ameybî qetilkerdene yan zî ameybî mecburkerdene xo bikişê, 7 cinîyî zî bi şeklêko bişik cuya xo vindî kerdbî.
