Hepisxaneyo Girewte yê Tîpa F a Boluyî ra 6 hepsê sîyasî 30 serran ra pey veradîya.
6 hepsê sîyasî yê 30 serrayî tewir bi tewir baxaneyan nêameybî serbestveradeyîşî, Hepisxaneyê Girewte yê Tîpa F a Boluyî ra 6 hepsê sîyasî 30 serran ra pey veradîya. Heyetê Muşahade û Îdareya Hepisxaneyî demo vîyarte de çend ra seba serbestveradayîşî 6 hepsê sîyasî rê kom bibî la belê 7 ray serbestveradayîşê Denîz Ozturk, Halîl Dag, Şahap Elbasanî û 5 ray zî Suat Gokalp û 2 ray zî Muhammed Îsmaîl û Murat Çetînkayayî asteng kerdbi. Heyetî na raye qerarê serbestveradayîşê hepsê sîyasî da.
Hemserekanê MATUHAYDER’î Nurten Karagoz û Zekî Kiliç û keyeyê hepsê sîyasî verê hepisxaneyî de hepsê sîyasî pêşwazî kerd.
Hepsîyo sîyasî Suat Gokalpî bale ante ser têkoşînê rûmetî yê hepsê sîyasî rê û wina va: “Ma proseso ke Rayberê Şarê Kurdî Abdullah Ocalanî dayo destpêkerdene hetkarî danî. Hetanî hepisxaneyan vila nêbî, no proses do serkewte nêbeno. Mesajê ma wina yo; ma deyndarê şarê xo yê û ma do her tim xêza Abdullah Ocalanî bipawê.”
