Endamê Heyetê DEM Partî yê Îmraliyî Pervîn Buldan û Mîthat Sancar derheqê pêvînayîşanê Hemserekanê HDP’yî yê Pêroyî yê verênan Fîgen Yuksekdag û Selahattîn Demîrtaşî de eşkerayîyêka nuştekî daye û dîyar kerd ke her dî zî paştî danê prosesî.
Endamê Heyetê Partîya Têduştî û Dmeokrasî ya şaran (DEM Partî) yê Îmraliyî Pervîn Buldan û Mîthat Sancar, Hepisxaneyê Edîrne û Kandirayî zîyaret kerdî û Hemserekê Pêroyî yê Partîya Demokratîke ya Şaran (HDP) ê verê Selahattîn Demîrtaş û Fîgen Yuksekdag, Hemşaredarê Amedî yê Şaristanê Girdî yê verê Selçuk Mizrakli û parlamentera HDP’yî ya verî Semra Guzel reyde pêvînayîş kerd. Heyetî derheqê pêvînayîşan de eşkerayîyêka nuştekî daye.
‘Girewtebîyayîşê embazanê ma bêhuqûqî yo’
Eşkerayîya nuştekî wina ya: “Pêvînayîşê ma zafane parekerdişê agahîyanê prosesî ser o bîyê. Selahattîn Demîrtaş piştgirîya xo ya seba prosesî îfade kerde û dîyar kerd ke o seba prosesî amade yo ke beşdarîye bikero. Fîgen Yuksekdag zî îfade kerd ke a seba aştî û komelêko demokratîk hêvîdar a û piştgirîye dana prosesî. Girewtebîyayîşê embazanê ma bêhuqûqî yo. Waştiş û pawitişê ma yo lezgîn o yo ke na neheqîya eşkera, bilez bibedilîya û embazê ma bieşkerê bi azadî beşdarê rayîrşîyayîşê aştî û demokrasî bibê. Pêvînayîşanê de ke zaf berhemdar vîyartê, embazanê ma her keso ke piştgirîya prosesê aştî û komelê demokratîkî keno, înan rê silam û heskerdişê xo yê germî erşawitî.”
