Cezaya hefsî ya parlamentera HDP’yî ya verêne Huda Kaya, teqez bîye û aye ameye girewtene.
Parlamentera Partîya Demokratîke ya Şaran (HDP) ya verêne Huda Kaya, serra 2022î de demo ke şîyê zîyaretê lajê xo Cîhad Ebrarî ke Hepisxaneyê Çanakkale de ameyêne girewtene, bi îdiaya ke “çenteyê aye de telefon ameyo tesbîtkerdene”, serrêk û 6 aşmî cezaya hefsî aye rê ameybî dayene. Teqezbîyayîşê ceza ra pey Huda Kaya ameye girewtene û aye erşawite Hepisxaneyê Cinîyan o Akerde yê Elmadag ê Anqara.
Huda Kaya verê ke bêra girewtene JIN TV’yî rê qisey kerd û vat bi îdiayanê neheq û nerast, cezaya aye ameya qebulkerde. Huda Kaya vat ke bi maneyê cezayanê 30 serrî ra ver, serdemê 28ê Sibate cezaya aye nêameya taloqkerdene.
