Heyetê Bawerî yê Konfederasyonê Yewîye yê Elewîyê Ewropa (AABK) veng da ke Surîye de Selefîyan Elewîyan qir kenê, no ser ganî verê qirkerdişê Elewîyan bêro girewtiş
Peynîya rijyayişê rejîmê BAAS’î çeteyê HTŞ’î bîyê wayîrê îqtîdarî. Çi heyfo ke nê çeteyê kesê ke aîdê bawerîyê înan nêbî, tade û zilmê xo ser nê bawerî û şaran zêdînenê. Hem Tirkîya hem zî Ewropa de rêxistinê Elewîye seba qirkerdişê Elewîyan vengê xo berz kerdê.
Goreyê xeber PÎRHA’yî Heyetê Bawerî yê Konfederasyonê Yewîye yê Elewîyê Ewropa veng da ke Sûrîye de emperyalîstan çeteyê HTŞ’î kerdê îqtîdar, Rojhilato Mîyanên de heme welatan de pergalê dîktatorîye esto û wina domna: “Çeteyê ke qewetê emperyalîstî înan ra hetkarî danê, verê Elewîyan peynî zî şarê Êzidî, Durzî, Suryanî, Xirîstîyan, Ermenî û laîkî qir kenê. Hêrişê nê çeteyan verba heme merdimeyî yo.”
