Kampanyaya “Roja Sêşemeyî Cezaya Dardekerdişî rê Nê” eşkera kerd ke Îran de mîyanê di rojan de 76 kesî ameyê dardekerdiş. Kampanya va ke dardekerdişî bi lez dewam kenê û derheqê binpaykerdişê heqanê cuye de hişyarî daye.
Kampanyaya ‘Roja Sêşemeyî Cezaya Dardekerdişî rê Nê’ ke hemverê cezayanê dardekerdişî yê Îran de virazîyaya, hewteyê 93. de eşkerayîyêk weşanaye. Seranserê welatî de girewteyê 54 hepisxaneyan de, hemverê cezaya dardekerdişî û domnayîşê ci, mîyanê grevê vêşanîye de yê.
Eşkerayîya de ke hetê kampanya ra ameye dayîş, nê çîyî ameyê vatene: “Makîneyê dardekerdişî yê rejîmî xebatanê xo bi lez domneno.” Eşkerayîye de agahîya ke tena di rojanê aşma teşrîna peyêne de seranserê hepisxaneyanê welatî de 76 kesî ameyê dardekerdiş, pare kerd. Eşkerayîye de ame mojnayene ke cezayê dardekerdişî bi taybetî dimayê qerarê grevê vêşanîye bi lez bîyê.
Eşkerayîye de îşaret bi eşkerayîya temsîlkaranê Neteweyanê Yewbîyayan rê kerd û hişyarîya înan ê Îranî de ‘Heqê cuye bi şiklê cidî yeno binpaykerdiş’ û ‘dardekerdişê nêdîyarî zêde bîyê’ ard vîr. Eşkerayîye de ame nîşankerdiş ke do çalakîya xo seranserê zîndananê welatî de bidomnê û vengdayîşê ‘Bêveng mebê’ semedê rayapêroyî ame kerdiş.
