Amed de seba gerîlayan Rêber Andok (Rojbîn Sonmez) û Devrîm (Mehmet Dogan) tezîye ameye ronayene û tezîyeyî bi girseyî ameye zîyaretkerdene.
Seba gerîlaya YJA-Starî Dilzar Rêber Andok (Rojbîn Sonmez) a ke 31ê teşrîna verêne ya 2025î de cuya xo vîndî kerdbî û seba endamê PKK’yî Devrîm (Mehmet Dogan) ke serra 1994î de şerêkî de cuya xo vîndî kerdbî, bi pêşengîya Komela Yewî Kultur Piştgirî û Hetkarîya Keyeyanê ke Merdimê xo Derguşê Şaristanîye de Vîndî Kerdî (MEBYA-DER) keyeyê tezîyeyî yê Omerlî yê qezaya Rêzan a Amed de tezîye ameye ronayene.
Bi pêşengîya MEBYA-DER’î bi beşdarîya rayber û temsîlkaranê partîyanê sîyasî û rêxistinanê sîvîl tezîye ameye ronayene. Tezîye de marşê “Çerxa Şorişî” ame wendene û sloganê “Şehîd Namirin” , “Bijî Serok Apo” û “Ey şehîd xwîna te li erdê namîne” ameyê vatene. Reyna seba cangorîyanê têkoşînê azadîye rêze ameye girewtene.
‘Ma deyndarê şehîdanê xo yê’
Endama MEBYA-DER’î Meyrem Soylu tezîye de qisey kerd û vat: “Demo ke merdim behsê şehîdan keno, her roje têkoşînê înan yeno çimanê merdimî ver. Ganî ma wayîrê dewaya înan vejîyê. Ma deyndarê şehîdanê xo yê. Nê prosesî de ganî ma hîna zaf hewl bidê ke têkoşînî pîl bikerê. Senî ke azadîye heqê heme şaran o, heqê şarê kurdî yo zî. Îradeyê înan zaf xurt bi ke şîyê vera tank û topan şer kerd. Ganî ma nêxapîyê û dewa û şehîdanê xo rê wayîr vejîyê.”
