Şaristanê Annecy ê Fransayî seba têkoşîna aye yê edalet û azadîye, hemwelatîya rûmetî daye wayîrê Xelata Aştî ya Nobelî Nêrgiz Mihemedî.
Şaristanê Annecy ê Fransayî, çarçewaya “Aşma Piştîdayîşî” de hemwelatîya rûmetî ya şaristanî daye çalakîkera heqanê merdiman û wayîrê Xelata Aştî ya Nobelî Nêrgiz Mihemedî. Xelate seba têkoşînê Nêrgiz Mihemedî yê pawitişê edalet, azadîye û rûmetê merdiman ameye dayene.
Nameyê Nêrgiz Mihemedî ser o, lajê aye Elî Rehmanî û mêrdeyê aye aktîvîstê heqanê merdiman Taghî Rehmanî xelate girewte.
Weqfa Nêrgiz Mihemedî zî derheqê babete de eşkerayî daye û vat: “Weqfa Nêrgiz Mihemedî no cehdo erjîyaye bi keyfweşîyêka pîle pêşwazî kena û ma nê sey nîşaneyêkê piştgirîya gerdûnî ya seba heqanê merdiman a Îranî û Nêrgiz Mihemedî zî tede xebata aktîvîstan a seba pawitişê edalet, azadîye û rûmetê merdiman vînenê. Ma sey Weqfa Nêrgiz Mihemedî bi zerrîgermî sipasîya rayedar û şarê Annecy kenê û mesajo zelal ê piştîdayîşê yê şarê Annecy û şaredaro rêzdar ke aktîvîstanê heqanê merdiman reyde yo, ma ey Îran de bi hewayêko keyfweşî pêşwazî kenê.”
