May û pîyê Rojîn Kabaîş, Aygul Kabaîş û Nîzamettîn Kabaîş parlamenteranê DEM Partî reyde pêvînayîş kerd.
Keyeyê Rojîn Kabaîş ke Wan de bi hewayêko biguman cuya xo vîndî kerdbî, Grûba Meclîsî ya Partîya Têduştî û Demokrasîyî ya Şaran (DEM Partî) zîyaret kerd.
Serekwekîlê Grûba DEM Partî Sezaî Temellî û parlamenterê ke ey reyde bîyê, salona kombîyayîşî ya Meclîsî de may û pîyê Rojîne, Aygul Kabaîş û Nîzamettîn Kabaîşî pêşwazî kerdê.
Keyeyê têkoşînê seba roşnîkerdişê cînayetî û tehdîtê ke nê demî de înan rê ameyê kerdene, DEM Partî reyde pare kerdê. DEM Partî zî îfade kerd ke ê rewşe nêzdî ra taqîb kenê û vat ke seba berpirsîyarî bêrê vînayene û cezakerdene do têkoşînê înan dewam bikero.
