Laborant Gulay Şen îzeh kerd ke na ray nêweşîya Coronayî bi meleşeyan vila bibo û rîyê nêweşîya Coronayî ser o zaf hûmarî de welatijî dinyaya xo bibedilnê û wina va: “No ser ganî şaristanê ma Amed, pak bibo. Şaredarîyî xususî demê meleşayan ê lawrayî de weş derman bikerî. Ganî welatijê ma zî şaredarîyanê xo rê hetkarî bikerî.”
Amed de wextê peyênî de zêdebîyayişê nêweşîya sitmayî, gireydayeyê zafbîyayişê meleşeyan vênîyeno. Pisporan, vêşbîyayîşê meleşeyan rê bal ancenî û dîyar kenî ke tedbîranê lazimî bêrê girewtêne. Şaredarîyî zî xebatanê dermanrişnayişî de kem manenê, no hal ke seba weşîya şarî risk virazeno, ganî bi kontrol bigêrîyo.
Têkilîya meleşeyan û sitmayî senî ya?
Meleşeyî, nêweşîya sitmayî de rolê esasênî kay kenê. Meleşeyê Anofelî yê maykî, parazîtê sitmayî bar kenê û merdiman rê danê. Sitma, nêweşîya ke parazîtê Plasmodîumî virazenê. Nê parazîtî, vêşbîyayîşê meleşeyê Anofelî yê maykî yê nêweşî ra merdiman rê vîyarenê. Meleşe, wexto ke merdimo nêweş ra gonîye şimenê, parazîtan gêno û dima wexto ke merdimo bîn teşneno, nê parazîtan ey rê dano.
Derheqê nêweşîya Sitmayî ser o laboranta 41 serrî Gulay Şen ajansê ma rê qisey kerd.
Coronoyo diyin bi meleşeyan vila bibo
Laborant Gulay Şen dîyar kerd ke beno ke nêweşîya sey Corono, na ray bi rayîrê meleşeyan dinya ra vila bibo û wina domna: “Na ray rîyê nêweşîya Coronayî ser o zaf hûmarî de welatijê ma dinyaya xo bibedilnê. No ser zî ganî şaristanê ma Amed, pak bibo. Şaredarîyî xususî demê meleşayan ê lawrayî de weş derman bikerî. Ganî welatijê ma zî şaredarîyanê xo rê hetkarî bikerî. Şaristanê xo pak bikerî, wayîr bivejê. Çi heyf ke cinîyê ma kûçeyê şaristanî bi ava şîrînî pak kenî, no zî beno semêdê kêmbîyayîşê çimeyanê ma. Nika şaristanê ma de problemê kêmbîyayîşê awe zî est o, no ser ganî ma baldar bibê. Ganî xebatkarê şaredarîye zî baldar têbigêrî û wayîrê şaristanê xo bivejê. Na babete de ganî ma seba hişyarkerdişê şarî ser o xebatê sey konser, kampanya, panel û ûsb. bêrê kerdene.”
