Semedo ke Edanur Baydogan amade bibo, dewaya rojnamegere Elfazî Toral, Sema Korkmaz û Edanur Baydogan taloq ame kerdiş.
Mîyan de rojnamegera ma Elfazî Toral zî est a, rojnamegere Sema Korkmaz û Edanur Baydogan bi sebebê “Hemverê qanûnê rayîrşîyayîş û çalakîyan vecîyayê” dewa amebî akerdiş. Roniştişê yewine yê dewa 25ine Dadgeha Cezaya Asli ya Edlîyeyê Çaglayanî yê Stenbolî de ame vînayîş. Elfazî Toral û avûkatê aye tewrê roniştişî bî.
Roniştiş dimayê tesbîtkerdişê nasnameyan dest pêkerd.
Rojnamegere Elfazî Toral pawitişê xo de wina va: “Ez rojnameger a. Ez semedê taqîbkerdişê eşkerayîya çapemenî ware de bîya. Nasnameyê ma yê çapemenî est o û kamera destê ma de bî. Polîsî yew rey mudaxeleyê ma kerd û dima ra mudaxeleyê girse kerd. Vernîya çalakîye hişyarîyêk nêame kerdiş. Mi hêrişê polîsan nêkerd. Çiqas mi va ez xebatkarê çapemenî ya zî ameya destbendkerdiş. Mîyanê wesayîtî de mi kuyayîş werd. Çiqas bedenê mi ser de rêça kuyayîşî est bî zî raporêk nêame amadekerdiş.”
Avûkat Sîdar Perçîn zî pawitişê Elfazî Toral kerd û waştişê beraetî kerd.
Heyetê dadgehî qerarê xo neql kerd û ferman da ke Edanur Baydogan amade biba û roniştişê peyêne heta 14ê nîsane 2026î taloq kerd.
