Komeleya Rojnamegeran a Dîcle Firatî ( DFG) raporê aşma teşrîna peyêne yê binpaykerdişê heqan ê rojnamegeran eşkera kerd.
Goreyê raporî aşma teşrîna peyêne de vera rojnamegeran bipaykerdişê heqan ê sey destbendkerdiş, dewa, tehqîqat, karîravetiş zêdîyayî.
Goreyê nê cezaya 17 serran û 5 aşman dîyaye 15 rojnamegeran, 8 rojnamegerî ameyî destbendkerdene, derheqê 8 rojnamegeran de dewa ameye akerdene, derheqê 14 kesan de tehqîqato newe dîya destpêkerdene, 79 rojnamegerî hema yenê muhakemekerdene, 91 rojnameerî karî ra ameyî vetene.
Reyna Tele 1 ra 32, Hurrîyetî ra 59 kesî karî ra ameyî vetene, 9 sîteyê înternetî ameyî qefilnayene, 2061 parekerdişê medyaya sanale ameyî astengkerdene, hetê RTUK’î ra cezaya pereyî dîyaye 5 weşanan.
Rapor de ame vatene ke tay rojnamegerî ameyî tehdîtkerdene û zîndan de raştê binpaykerdişê heqan ameyî. Weşanê provokatîfî zî sey binpaykerdişê heqan ameyî hesibnayene. DFG’yî veng da rojnamegeran ke wa rojnamegerîya aştî bikerê.
