Hizne Alsan ya ke 10 serran o cenazeya kênaya xo ya ke qedexeyê tebervejîyayîşî yê Cizîr de ameye qetilkerdene taqîb kena va: “Aştî yew het nêbeno. Ganî heme kesî wayîrê prosesî vecîyê.”
14ê kanûne 2015ine de Cizîrê Şirnexî de qedexeyê vejîyayîşê teberî ame îlankerdene û hetanî 2’yê adare 2016ine domîyaye. Nê prosesî de 288 kesî dinyaya xo bedilnayî û înan ra 177 kesî bodruman de ameybî qetilkerdene. O wext cenazeyê xeylê kesan goristanê bêkesan ê Rihayî, Mêrdînî, Dîlokî û Meletî de ameyî definkerdene. Çiqas 10 serrî derbas bîyo zî hema cenazeyê xeylê kesî nêame dîyene. Yeno texmînkerdene ke cenazeyê 13-14 kesî nêame dîyene.
Hacer Aslana 19 serrî ya ke o dem dinyaya xo bedilnaye, çarenûsê aye hema eşkera nîyo. Dayîka aye Hizne Arslan ard ziwan ke demê qedexeyan de hem kênaya aye Hacere hem zî lajê aye Mehmet Saît vînî kerda û eynî demî de birayê aye Selîm Tugay zî hetê qorîcîyan ra o dem ame qetilkerdene. Hizne Arslana 50 serrî dîyar kerd ke çiqas dejê girdî ciwîyaya vatişê lajê xo “berxwedan jiyan e” ra qewet gêne.
‘Verê çimanê heme dinya de qewimîya’
Hizne Arslan va, demê qedexeyê Cizîrî de keyeyê ke nika ci de manenê, mendêne û va: “Kênaya mi xebatkara weşîye bî, nêweşxaneyê dewlete yê Cizîrî de staj kerdêne. Lajê mi Saît babî xo dir înşaat de şuxulîyayîne. Demê qedexeyan de mi problemê weşîye ciwîyayîne, semedê dermankerdişî şîya Amed. Mi hîrê tutanê xo yê qijî emanetê merdimanê ma kerdî. Ez şîya tîya pêrodayîş dest pêkerd. Ma reyke bîn anêgêrayî cayo ke keyeyê ma uca de yo. Ez, hîrê tutê xo yê qijî û mêrdeyê mi ma hetêk de mendî. Hacer û Saît keye de mendî. 16 rojî keye de mendî. Dima ra top eştî. Mecbûr mendî ke keye ra vejîyê. Şî keyeyê şînî uca de kom bîyê. 30 rojî uca de mendî. Dima ra vatî taxe veng bikerê. Ê zî şîyî taxa Cudî. Awe û ceyran çin bî. Heme çî ameybî birnayene. Qirkerdiş verê çimanê dinya de qewimîya.”
‘Cenazeya birayê mi 29 rojî kuçe de mende’
Hizne Arslan va: “Roja 43-44ine yê qedexeyî de birayê mi ame qetilkerdene. O wext cenazeyê ey berdî morgêk nêzdîyê sînorî. Ma bi rojan cenazeyê xo taqîb kerd. Cenazeyê birayê mi 29 rojî kuçe de mend.”
‘Mi zanayîne kênaya mi sax nêvejêna’
Hizne Arslan dîyar kerd ke kênaya aye zî bodruman de bîye û va: “Nameyê kênaya mi zî mîyanê kesanê ke bodrum de bîyî de bî. Ma lajê mi Saîtî ra agahî nêgirewtêne. Mi zanayîne kênaya mi do bodrum ra sax nêvejîyo. Mêrdeyê mi şi Mêrdîn semedê tespîtkerdişê nasnameyî gonî da. Heta qedexe peynî nêbî ma anêgêrayî keye. Dimayê qedexeyan agêrayîşê keyeyî zaf zehmet bî. Mi zanayîne tutê mi sax nîyê. Çend hewte dimayê wedartişê qedexeyan telefonêk ame û va, cenazeya kênaya to ameye dîyene. Ma semedê cenaze şî Riha. Demo ke mi cenaze dî ez şaş menda. Ma akerd ke kênaya mi nê lajê min o. Binê zordarîya dewlete de ma cenaze defin kerd.”
‘Qîrînê bodruman nîno xovîrrakerdiş’
Hizne Arslan va: “Ma boya şewatî girewtêne, ma qîrîn eşnawitêne. Hetanî serê sibayî mi goşê xo girewtêne. La ma çi bikerdêne nê vengî nêşîyêne. Merdimî gane ameyîne veşnaye. Çîyê ke ma dîyî û ciwîyayî bi qiseykerdişî peynî nêbenê. Pêwa 10 serrî derbas bîyo zî mi hema cenazeya kênaya xo nêdîya. Pêwa heme hewldayîşê ma hîna netîce ma nêgirewt. Pêwa pêro dejan ma aştî wazenê. Ma hemverê şerî yê. Ma hêvîya çîyê weşî kenê. Wa êdî gonî nêrêjo. Aştî yew het nêbena. Ganî dewlete wayîrê prosesî vecîyo û game bierzo. Ganî komîsyon wayîrê prosesî vecîyo.”
