Veysî Aktaş ke 10 serrî Rayberê Şarê Kurdî Abdullah Ocalan Girawa Îmraliyî de mendbi, şarî silayna mitîngê “Hêvî û Azadîye” û vat: “Ma bi sloganê ‘Azadîya şarê kurdî azadîya Raybertî ya, azadîya Raybertî azadîya şarê kurdî ya’ beşdarê mitîngî bibê.”
Veysî Aktaş ke 25ê temmuze de Hepisxaneyê Îmraliyî ra hetê Rayberê Şarê Kurdî Abdullah Ocalanî amebi veradayene, seba mitîngo ke hetê Platformanê Sazgehanê Demokratîk 4ê çeleyî 2026î de Qadê Îstasyonî yê Amedî de bêro kerdene, vengdayîşê beşdarîya mitîngî kerd. Mitîng bi sloganê “Hêvî û Azadîye” do bêro kerdene. Aktaş bi vîdeoyêk vengdayîşê beşdarîye kerd.
‘Ma seba hêvî û azadîye beşdarê mitîngî bibê’
Veysî Aktaşî dîyar kerd ke seba ke Rayberê Şarê Kurdî Abdullah Ocalan bieşko muzakereyan şertanê azad de bikero, no mitîng muhîm o. Veysî Aktaş vengdayîşê beşdarîya mitîngê “Hêvî û azadîye” kerd û wina vat: “Rayberê Şarê Kurdî Abdullah Ocalan do bi caardişê heqê hêvî rolêko muhîm kay bikero. O semedî ra ma zî bawer kenê ke her kes bi sloganê “Azadîya şarê kurdî azadîya Raybertî ya, azadîya Raybertî azadîya şarê kurdî ya” nêzdîyê mitîngî bibo.”
‘Naskerdişê heqê hêvî do bawerîya şarî xurt bikero’
Veysî Aktaşî îfade kerd ke mo mitîng seba averşîyayîşê prosesê Aştî û Komelê Demokratîkî xeylê muhîm o û wina qisey kerd: Ganî şar bi berpirsîyarî nêzdîyê mitîngî bibo. Ma bawer kenê ke no mitîng vernîya eştişê gamanê sîyasî û huqûqî akero. Seba ke qadê sîyasetî wezîfe û berpirsîyarîyanê xo nêano ca, mîyanê komelî de bêhîvîye û bêbawerî est a. Waştişê şarî o yo ke seba sermuzakerekerdox Rayberê Şarê Kurdî Abdullah Ocalanî şertî bêrê awankerdene ke bieşko şertanê azad de sîyaset bikero. Eştişê gamêka winasîne û bi taybetî naskerdişê heqê hêvî do bawerîya şarî xurt biba. Wayîrê prosesî vejîyê. Bi naskerdişê heqê hêvî û azadîya Rayberê Şarê Kurdî Abdulalh Ocalan do bawerîya şar a seba prosesî xurt bikero.”
