Welatijê ke tewrê kombîyayîşê şarî yê qezaya Sûrî bîyî, dîyar kerd ke ê semedê azadîya Rayberê Şarê Kurdî Abdullah Ocalanî tewrê kombîyayîşî bîyî û wina vatî: “Heta ke Serekê ma azad nêbo, ma zî azad nêbenê.”
Rayberê Şarê Kurdî Abdullah Ocalan ke Prosesê Aştîye û Komelê Demokratîkî da destpêkerdene, qanûnanê azadîye û aştîye ser o vindeno. Rojeva şarê şurdî de azadîya Abdullah Ocalanî est a. Şarê kurd her şayîye, çalakîye û bernameyan de azadîya Abdullah Ocalanî destnîşan keno. Her kes vano ke eke Ocalan şert û mercanê azadan de bo, eşkeno bi rol û rîstê xo yê pêakerdişê aştîye û çareserîye bîyaro ca.
Di hewteyî yo ke şaristan û qezayanê Vakurê Kurdistanî de kombîyayîşê şarî yê Prosesê Aştîye û Komelê Demokratîkî yenê viraştiş. Her kombîyayîşan de waştişê azadîya Ocalanî yeno kerdene.
Bi hezaran welatijî tewrê nê kombîyayîşan bîyî û vengê azadkerdişê Ocalanî û qebulkerdişê waştişanê şarê kurdî danê.
Welatijê Amedî yê ke tewrê kombîyayîşê şarî yê qezaya Sûrî bîyî, ajansê ma rê qisey kerd û bal ant azadîya Ocalanî ser. Welatijan dîyar kerd ke Rayberê Şarê Kurdî Abdullah Ocalan û şarê kurdî semedê aştîye her çî kenê.
Welatijan ard ziwan ke inan barê aştîye û azadîye girewto milê xo û ganî êdî dewlete zî goreyê ci gaman bierzo û va: “Ma semedê Serekê xo tîya de yê, heta ke Serekê ma azad nêbo, ma zî azad nêbenê.”
