Rayberîya Amedsporî sîyasetmedara kurd Leyla Zana ke maçê Bursaporî de aye rê heqaret amebi kerdene, silaynaya maçê Amedspor û Igdirsporî.
Somspor û Bursaporî 16ê kanûne de Soma de ameybî hemverê yewbînan. Maç de terefgiranê nîjadperest ê Bursasporî bi heqaret û nengan sîyasetmedara kurd Leyla Zana kerdbî hedef.
Dima ke Leyla Zana rê heqaret amebi kerdene xeylê derûdoranê cîya vera heqaretanê cînsîyetperest reaksîyonî mojnayê. Vera nê heqaretan reaksîyonî dewam kenê û wayîrvejîyayîşê Leyla Zana dewam keno. Amedsporî zî sey reaksîyonê vera nê heqaretanê cînsîyetperest qerar da ke maçê Amedspor û Igdirsporî ke do 28ê kanûne Amed de bêro kaykerdene, terefgirê cinî bêpere bêrê maçî temaşe bikerê.
Ma xo resna rayberîya Amedsporî û rayberîya Amedsporî ajansê ma rê dîyar kerd ke înan Leyla Zana silaynaya maçê xo. Serekê Amedsporî Nahît Eren Leyla Zana bi telefon gêrayo û aye silaynaya maçê Amedsor û Igdirsporî. Yeno pawitene ke Leyla Zana zî bêra stad û maçî temaşe bikera.
