Kampanyaya “Roja Sêşeme Dardekerdişan rê Nê” dîyar kerd ke aşma kanûne de Hepisxaneyê Wekîl Abadî yê Meşhedî de 96 girewteyî ameyê îdamkerdene û seba 2 girewteyanê sîyasî cezaya îdamî ameya dayene.
Kampanyaya “Roja Sêşeme Dardekerdişan rê Nê”hewteyê 101. de ya. Bi nê munasebetî kampanya eşkerayîyêk weşanaye.
Eşkerayî de ame vatene ke aşma kanûne de 96 girewteyî ke Hepisxaneyê Wekîl Abadî yê Meşhedî de bîyê, ameyê dardekerdiş û wina ame vatene: “Dima ra di girewteyanê sîyasî yê kurd ê bi nameyê Mehrab Ebdulzade û Yunis Bexşî rê cezaya idamî ameye dayene.”
Goreyê eşkerayî 2 rojî yo şarê Tehranî hemverê zordarîya hukmatî qadan de yo û wina ame vatene: “No rayîrşîyayîş zî zaf şaristanan ra vila bîyo. Sewbîna dewleta dardekere, prosesê bêvengkerdiş û dardekerdişî yê semedê pawitişê serewedaritişan hîra kerd.”
