Rejimê Îranî hemverê vêşbîyayîş û vilabîyayîşê çalakîyanê ke pêroyê welatî de vila bîyê, tedbîrê ewleyî vetê daraxê tewr berze. Hezê rejimî xeylê şaristanî dorpêç kerdê.
Îran de şar seba krîzê aborî, bêedaletî û zordarîye reyna vejîya kuçeyan. Serebûtê ke 28ê kanûne de dest pêkerdbî, hema zî dewam kenê. Çalakîyan bi girewtene dikanan yê esnafan dest pêkerd, bi rayîrşîyayîşê wendekaran vila bîyê. Vizêrî ra çalakîyê numayîşî heme şaristanan de vila bîyî û bi se hezaran kesî vejîjayê kuçeyan.
Hêriş û destbendkerdişî qewimîyayê
Hêzê rejimî bi bombayan gazê îsotî û destbenkerdene hêrişê şarî kerd. Ame zanayene ke encamê hêrişanê hêzanê rejimî de xeylê welatijî birîndar bîyî û ameyê destbendkerdene. Goreyê agahîyanê çimeyanê herême, rejîm bi amancê vilakerdîşê çalakîyan hewl dano ke şaristanan dorpêç bikero.
Ame eşkerakerdiş ke xeylê cayanê stratejîk ê şaristanan de leşkerî ameyê bicakerdiş. Dîmenê ke şaristanê Karajî ra ameyê parekerdene, dîyar kenê ke hêzê rejîmî bi zêdekerdişê tedbîranê leşkerî hewl danê ke vernîya çalakîyan bigîrê.
