Merkezê Cigêrayîşanê Waran (SAMER) “Raporê Çapemenî yê Derheqê Hêrişanê Nîjadperest ê Hemverê Kurd, Elewî û Koçberan” ê 1ê Çele û 30ê Kanûne yê 2025î weşana.
Raporî de tewr kêm 112 hedîseyê nîjadperest, cîyaker yan zî çinhesibnayîşî yê ke çapemenîya neteweyî û herême de ameyê weşanayene, ameyê tesbîtkerdene.
Goreyê raporî her çend serra 2025î de vatişê “aştî, normalbîyayîş û pêmaeyîşê komelkî” reyna ameybî rojeve zî kerdişê cîyakerd ê vera kurd, elewî û koçberan dewam kerdê û vila bîyê.
Ame dîyarkerdene ke binpaykerdişê vera nasnameyê kurd û kurdîtîye vêşî bîyê.
Kursê Kurdkî ameyê girewtene, seba seyîr û slogananê Kurdkî cezayê hepsî ameyê dayene û destbendkerdişî bîyê, weşanê Kurdkî ameyê astengkerdene û qadê komelkî de Kurdkî rastê cîyakarî ame, nê heme mîyanê nê binpaykerdişan de bîyê. Sewbîna taloqkerdişê veradayîşê girewteyanê nêweş û cezayê dîsîplînî yê seba Kurdkî, raporan de vejîya orte.
Ame dîyarkerdene ke binpaykerdişê vera heqanê koçberan zî ameyê kerdene. Eynê wextî de ame eşkerakerdene ke binpakerdişê vera elewîyan çarçewaya azadîya bawerî û vatişanê nefretî de vêşî bîyê.
Goreyê raporê serra 2025î vera kurdan 89, vera koçberan 17 û vera elewîyan 6 hedîseyê nîjadperestî yanî cîyakarî ameyê tesbîtkerdene.
SAMER’î dîyar kerd ke tesbîtî ke çapemenî de ameyê vînayene, tena ê ke ma dîyê, beno ke rewşe hîna giran biba.
