HDK do bi şîara “Rayîrê cuyeya seyyewbînan û azade çareserîya aştîye de yo” kampanyaya îmzeyan dano destpêkerdiş. DEM partî zî verba xizanî û şerî de startê kampanya “Ked û aştî” bido.
Kongreya Demokratîke ya Şaran (HDK) do bi mîyanê aşma çeleyî de bi dirûşmê “Rayîrê cuyeya seyyewbînan û azade çareserîya aştîye de yo” kampanyaya îmzeyan dano destpêkerdiş. Yeno armanckerdiş ke xo biresnê mîlyonan.
Xebata Kampayaye ke persgirêkê ciwanan, cinîyan, kedkaran, komeleyê kulturî-dewan, wendekaran, bêkaran, teqawudan, heywanan û xozayî û aştî ronena, do bi beşdarîya heme sazî û awanîyê HDK’î bêro averberdiş. Çarçiweya kampanya de do keye bi keye, kuçe bi kuçe, tax bi tax bêro gêrayiş, têkilî şarî reyde bêro ronayiş û îmze bêro komkerdiş.
Konferansê Aştîye ya Mîyanêneteweyî
HDK do 8-9ê Sibate de bi dirûşmeyê “Rayîrê cuyeya seyyewbînan û azade çareserîya aştîye de yo” konferansê Aştîye ya Mîyanêneteweyî bivirazo. Konferans do Merkezê Kulturî yê Bariş Manço yê Avcilarê Îstanbulî de bêro viraştiş.
DEM Partî zî do bi dirûşmeyê “Ked û Aştîye” kampanya bido destpêkerdiş. Kampanya, do bi lingê Rojawanî yê nobetî verba hêrişê Sûrîyeya Rojhilat û Bakûrî ser sînorê Pirsûsê Rihayî û Kobanê û Nisêbînê Mêrdînî û Qamişloyî ameyê destpêkerdiş. Armancê esasî yê kampanya wina yo ke verba xizanî û şer de têkoşînêko hembar bêro averberdiş.
