Vewra girane, heywanê ke Baxçeyanê Hewselî û dergûdila Çemê Dîcleyî de ciwîyenê û xusûsen zî teyr û tûrî, bi awayêko nêrewşe tesîr kerdî. Ame vînayîş ke teyrê ke bi vewra girane warê înan ê weyîbîyayîşî binê vewre de mendî, kinarê çemî û cayanê ke vewre nêgirewtê de kewtê geyrayîşê werdî.
Senatkarê fotografî yê belgekî Mehmet Masum Suerî, fotografê teyranê rengarengan ê ke Hewsel de şertanê zoran de cuye ramenê, antî û kerdî belge. Suerî va: “Vewre reyde teyrê Hewselî seba ke werd bivînê, bi komelî berê xo da cayanê ke vewre tede çin a. Werdvînayîşê nê teyranê qijkek û rengarengan bî sebebê dîmenanê rengînan. Geyrayîşê werdî yê tayê teyran ke zor bo zî serê vewre de pay ra şîyêne, balkêş bî.”
