Kombîyayîşê fermandaranê HSD’î bi hukmatê demkî yê Şamî reyde di çerçeweyê muzakereyê entegrasyonê leşkerî qedîya.
Merkezê Îrtîbatê hêzanê Sûrîye ya Demokratîk (HSD) dimaye kombîyayîşî ra yew eşkerayîye dayê “çerçeweyê muzakereyan de giredayê babeta entegrasyonê askerî de kombîyayîşe heyetê fermandaranê ma, HSD’î bi rayberanê hukmatê demkî yê şamî de ameybî têhet qedîya.
Merkezî dîyar kerd ke do dimara teferuat û encamê kombîyayîşî bêrê parêkerdene.”
Heyet de Fermanderê pêroyî yê HSD’î Mazlum Ebdî, endamê Fermandarîya Pêroyî yê HSD’î Sozdar Derik û Sîpan Hemo ra pêamebî. Ame dîyarkerdene ke fermandaranê operasyonê “Inherent Resolve” Kevin J. Lambert zî tewrê kombîyayîşî bîyo. HSD’î 29ê kanunê 2025î de eşkerakerdbî ke şîyayîşê heyetî yê Şamî seba tayê problemanê teknîkî amebî taloqkerdene û dîyar kerdbî ke do demêko averde şorê Şam.
