Cenazaya şaîr Ehmed Huseynî berê El Welîd ra derbasê Rojava bî û hetê girseyêka girde ya roşnvîr, hunermend, siyasetmedar û şarî ra ame pêşwazîkerdene.
Cenazaya şaîr Ehmed Huseynî ke 10ê Adare semedê neweşîyêka girane Stockholm de cuya xo ra bîbî û Amed de 27ê adare de yew merasîmê ame viraştene û ver bi Rojava amebî oxirkerdene.
Ehmed Huseynî ewro berê sînor ê Welîd ra yê mabênê Rojava û Başûrê Kurdîstanî ra derbasê Rojava bî. Berê sînorî de hetê nuştox, roşnvîr, şaîr û sîyasetmedaran ra ame pêşwazîkerdene.
Badê ke cenaza berê sînorî de ameye pêşwazîkerdene, ver bi Qamişlo ameya oxirkerdene. Merkezê Pîyabîyene yê Roşnvîranê Rojavayê Kurdîstanî (HRRK) de merasimêke virazîyo, dima ra ver bi şaristanê Amûde bêro rayîrkerdene. Dekewtişê şaristanê Amûde de do merasimo girseyî yê oxirkerdene bêro viraştene, badê ra cayêko maya xo ra bîyo bêro definkerdene.
