Cagira Serekwezîrê Siwîsreyî Ebba Busch paştî daye çalakîyanê Îranî û rejîmê Îranî sey gonîwer pênase kerd.
Cagira Serekwezîrê Siwîsreyî Ebba Busch derheqê serewedaritişê şaranê Îranî de hesabê xo yê X’î ser o parekerdişêk kerd. Busch dîyar kerd ker ê paştî danê têkoşîno wêrek ê şarê Îranî û wina vat: “Rejîmê Îranî reyna rîyê xo yê vera heqanê merdiman û azadîyan mojneno. La vengê azadîye nêyeno astengkerdene. Waştişê heq û têduştîye nêvindeno.”
‘Rejîmê Îranî rejîmêko gonîwer o’
Busch parekerdişî de îfade kerd ke rejîmê mola yê Îranî rejîmêko gonîwer o û vat: “Tarîx do derûdoranê ke na zordestîya rejîmê molayî rewa vînenê, muhakeme bşkero. Ganî her kes paştîya têkoşînê heq û azadîya şaranê Îranî bikero.”
Busch serewedaritişanê “Jin jîyan azadî” zî ard vîrî û dîyar kerd ke têkoşîno ke ameyo dayene bi beşdarîyêka pîlêr xo newe keno.
