Meclîsê Şar ê Şêxmeqsûd û Eşrefîye vengda şarî ke aram bimanê û paştî bidê asayîşî.
Meclîsê Şar ê Pêroyî yê Şêxmeqsûd û Eşrefîye vengda şaranê taxe û Helebî ke aram bimanê û nêkewê tesîrê şerê taybet ê ke hetê medyaya hukmatê demkî yê Şam û Tirkîya ra yenê rayraberdene. Meclîsî eşkerayî daye û Hemserekê Meclîsê Şarî Nûrî Şêxoyî qisey kerd. Şêxoyî dîyar kerd ke ganî merdim keyeyanê xo de bimanê û bawerîya xo bi xeberanê medyaya provakatîf nêyarê.
Nûrî Şêxoyî bale ant vêşbîyayîşê kaosanê ê rojanê peyênan ser o û vat: “Ma vengdanê şarê xo yê welatperwer ke keyeyanê xo de bimanê û aramîya herême nêherimnê, tesîrê manîpulasyonanê medyaya dişmenî de nêmanê. Ganî ma aqloselîm têbîgêrê ke şer û kaos zerarê nêdê şarê ma.”
Nûrî Şêxoyî şarê Şêxmeqsud û Eşrefîye ra waşt ke hetê hêzanê asayîşî de vinderê ke teqezkerdişê ewleyîya herême de rolêko muhîm kay kenê û vat: “Ma şarê xo silaynenê ke hetê asayîşî de vinderê ke ewleyî û aramîya herême teqez bikerê. Ma do pîya xurtêr bibê û ganî ma pîya bixebitîyê ke aştîya komelkî bipawê.”
