Amed de bi hezaran kesê ke vera hêrişanê Helebî vejîyayî waran semedê Rojawanî mesajê paştdayîşî dayî. Hemserekê Pêroyî yê DBP’yî Keskîn Bayindirî vat: “Heta vindertişê hêrişan, peyserantişê çeteyan ma do kuçeyan de xover bidê.”
Amede serkêşîya Platformê Dezgehanê Demokratîkî vera hêrişanê serê taxanê Şêxmeqsûd û Eşrefîye yê Helebî rayraşîyayîş ame kerdene. Bi hezaran kesî vejîyayî waran, hêrişî protesto kerdî û paştî dê şarê Rojawanî.
Hemserekê Pêroyî yê DBP’yî Çîgdem Kiliçgun Uçar û Keskîn Bayindir zî tewrê rayraşîyayîşî bîyî. Hemserekê Pêroyî yê DBP’yî Keskîn Bayindirî ard ziwan ke nê hêrişî plankerdeyê û vat: “Taxê kurdan Helebî û şarê Rojawanî têna nîyo. Heta vindertişê hêrişan, peyserantişê çeteyan ma do kuçeyan de xover bidê.”
