Rojnameger Nîhat Kaya diyar kerd ke Colanî esîr ameyo girewtene û Şam nika bînê kontrolê Tirkîyade ro. Siyasetkar Salîh Muslîm zî vat ke Colanî bi hetê MÎT’î ra ameyo remnayene.
Rojnameger Nîhat Kaya yo ke Rojavayê Kurdistanî de xebetîno teba televîzyonê Medya Haberê bî û serebutê pêyênî yê Sûrîye ercnayî. Nîhat Kaya diyar kerd ke Serekê Hukmatê Demkî yê Sûriye Ahmed Şara (Colanî) esîr ameyo girewtene. Nîhat Kaya da zanayene ke Şam nika binê kontrolê Tirkiya de yo û Colanî Şam de îktîdarê xo vîndî kerdo.
Salîh Muslîm: MÎT’î Colanî remnayo
Endamê Konseya Hemserekîya PYD’yî Salîh Muslîm zî teba Rûdawî bîbî vatbî o îdia keno ke Colanî bi destê MÎT’î ameyo remnayene û nika Enqere de yo.
Aya bîne zî 27ê Kanûna 2025î ra nê hetêrî Colanî tew yew raye nêvejîyo verê kamerayan. Goreyê agahîyanê çimekanîyanê bibaweran ameyo bindestkerdene: Colanî hewl dayo ke serrê serre de mesajê bido şaranê Sûrîye labelê dima ra nêdayo. Na rewşe zî şikan zêde kena û persa ke ‘Colanî kotîyo’ kuna sereyê her kesî.
