AVKAMED’î eşkera kerd ke xeberan de “awe rê zam ameyo kerdene” rast nîyê. AVKAMED’î dîyar kerd ke no vurnayîş, goreyê kanûnanê newekerdişê teknîkî yê goreyê nisbetê enflasyonî (TUFE) yê.
AVKAMED derheqê xeberanê zamî yê awe ser o ameyê kerdene eşkerayî daye û vat: “Aşma çeleyî de goreyê qanûnan vayîya awe de bedilîyayîşêko bi nisbetê %0,89 ame kerdene. No zêdekerdişê vayîya awe bi qerarê sazgehî nîyo, goreyê qanûnan vurîyayîşêko mecbûrî yo.”
Goreyê enflasyonî yeno newekerdene
AVKAMED’î dîyar kerd ke şaredarî bi waştena xo vayîya awe zêde nêkena û wina vat: “No vurnayîş mecbûrîyetanê qanunî û goreyê eflasyonî her aşme yeno newekerdene. nê semedî ra, sernameyê sey, ‘Zam ameyo kerdene’ rast nîyê û şarî xapênenê.”
No zam nîyo lazîmtîyêka teknîkî ya
AVKAMED’î da zanayîş ke no vurnayîşê vayîya awe qerarê înan nîyo û wina vat: “No vurnayîş tena seba AVKAMED’î nîyo. Pêroyê Tirkîya de heme rayberîyanê awe (sey ÎSKÎ, ASKÎ, ÎZSU û ûsn.) goreyê qanûnan, vayîya awe goreyê enflasyonî (TUFE) newe kenê. No qerarê ‘zamî’ keyfî nîyo; seba ke xîzmetê awe nêro birnayene û dewam bikero, no newekerdişo teknîkî mecbûrî yo.”
