Zimistanê Çewlig û dewanê Çewligî emser şîyo zimistananê dewrê verî ra. Wexto ke vewre heqê zimistanî dana, zaf warî zî o wext rindekîyê zimistanî zî xo nîşan danê.
Şaristananê Kurdîstanî de çend serrî yo vewre zaf şenik varayêne. Erd ziwa, asmên hişk mendêne. Awa werî û awa hênîyan şenik mendêne ke bimiçiqîyê. Dar û berî bê zerba xo fêkî girewtêne, ê zî zafêrî nêweşinî bîyêne çike awe rind nêşîyêne gilan.
Dinya https://www.youtube.com/watch?v=6eW8yy5ry18ke kewte zimistan por kena sipe, bena kal û pîr. Ancîna zereyê xo û seba wisarî amedekarîye kena. Emser şikir vewre û varan zaf o. Wina aseno ke emser wisarêko rindek û serrêka bi berekete vernîya ma de ya.
Vewre ke zaf varaye xoza zî xo kena newe û pê kincanê sipîyan xo xemelnena. Merkezê Çewlig û dewanê Çewligî de çend rojî yo vewre bêmabên varena. Dewa Cafranî zî nê dewan ra yew a û zimistanê xo zî rindekîye ra nêno salixan. Vewre hetî ra cuye asteng kena la heto bîn ra zî dewrê xo daîm kena. Hedreyîya serra vernîya xo kena.
